Fjölskyldusmiðjurnar eru skemmtilegar hópsmiðjur fyrir börn og ungmenni á aldrinum 5-18 ára ásamt foreldrum eða forsjáraðilum þar sem foreldri eða forsjáraðili glímir við geðrænan vanda. Hist er á öruggum stað þar sem fjölskyldur geta komið saman, rætt og fræðst um geðrænan vanda á fordómalausan hátt.

• Þær hjálpa börnum og ungmennum að skilja betur geðrænan vanda. Í smiðjunum geta þau deilt sameiginlegum áhyggjum og spurt spurninga í öruggu umhverfi.
• Þær hjálpa foreldrum að takast á við áskoranir sem geta fylgt því að vera foreldri með geðrænan vanda.
• Þær skapa öruggt rými fyrir fjölskyldur til að ræða um vandamál og lausnir.
• Þær veita tækifæri til að hitta aðrar fjölskyldur í svipuðum aðstæðum.

Skapar tækifæri fyrir fjölskyldur til að:

• Eiga góðar stundir saman og ræða ýmislegt sem getur fylgt því að vera í fjölskyldu þar sem foreldri eða forsjáraðili glímir við geðrænan vanda.
• Kynnast nýju fólki sem deilir sameiginlegri þekkingu og reynslu.
• Fá gagnlegar upplýsingar um geðrænan vanda og tækifæra til að spyrja spurninga.
• Ræða staðalímyndir og ótta tengdum geðrænum vanda.

• Í upphafi er fræðsla og umræða fyrir fjölskyldurnar saman.
• Hópurinn skiptist síðan í tvennt þar sem foreldrar fara í umræðuhóp og börn fara í leiksmiðju. Þar er leiklist notuð sem uppbyggilegt tól til að efla sjálfstraust, tengingu og tjáningu barnanna um geðrænan vanda í gegnum sköpun og leiki.

Veitingar eru á staðnum – pizza og snarl fyrir alla!

Smelltu á hnappinn hér að neðan til að fylla út umsókn. Umsækjandi getur til dæmis verið foreldri, ættingi eða einhver annar aðili sem er í lífi barnsins.
Frekari upplýsingar veitir framkvæmdastjóri, Sigríður Gísladóttir: sigridur@okkarheimur.is