Slíkir dagar eru krefjandi fyrir alla fjölskylduna, ekki síst barnið þitt. Að útbúa áætlun fyrir erfið tímabil getur verið mikilvægur stuðningur fyrir barnið og hjálpað því að upplifa öryggi og fyrirsjáanleika þrátt fyrir óvissu.
Skýr áætlun getur hjálpað barninu að:
Áætlun getur einnig hjálpað ykkur að:
Gott er að gera áætlunina þegar þér líður vel og fjölskyldan er í góðu jafnvægi. Þá getur verið gagnlegt að ræða áætlunina við einhvern nákominn þér, til dæmis maka, fjölskyldumeðlim eða fagmann sem þekkir veikindin. Saman getið þið velt upp mikilvægum spurningum, fundið mögulegar lausnir og skoðað hverjir geti verið til staðar þegar mest á reynir.
Ef barnið er orðið nægilega gamalt getur verið hjálplegt að ræða áætlunina við það. Þannig getið þið saman leitað leiða til að takast á við daglegt líf þegar þú ert ekki við góða heilsu. Þetta opnar einnig á mikilvægar samræður um hvað barnið þarf á að halda og hvernig það upplifir aðstæðurnar. Slík samtöl geta eflt öryggi barnsins, hjálpað því að skilja að það beri ekki ábyrgð á aðstæðunum og gefið því tækifæri til að taka þátt í að takast á við þær á uppbyggilegan hátt.
